Premtimet në zgjedhjet e vitit 2009 për arsimin, shëndetësinë dhe mbrojtjen sociale

Sot ne po vijojmë me paraqitjen e premtimeve të partive politike në 2009 për:

– Arsimin, politikat sociale, shëndetësinë dhe administratën

Në këtë publikim janë përfshirë Premtimet në vitin 2009 për Zgjedhjet e përgjithshme, ku vëmendje në këtë lajm i kushtohet pikërisht rikthimit në vëmendjen e gjithsecilit ato që janë premtuar prej mbi 14 vite, kush i ka premtuar dhe sa janë realizuar dhe në ç’ nivel janë përmbushur kur partitë kanë qeverisur të vetme ose në koalicione qeverisëse.

Ndër premtimet që bie në sy janë:

Premtimet e PS për miratimin e minimumit jetik, shëndetësinë me mbulim universal, përgjysmimin e nivelit të varfërisë

Premtimet e PD për analfabetizmin, si dhe dyfishimin e buxhetit të arsimit

Premtimet e LSI (PL) për statusin e naftëtarit, statusin e minatorit, transportin falas

Nëse do të jeni kuriozë dhe të vëmendshëm ju mund të shikoni shumë nga premtimet e vitit 2009, që edhe sot pas mbi 1 dekadë dhe mundësish për ti bërë realitet ende janë të papërmbushura.

PD	PS	LSI
ARSIMI, POLITIKA SOCIALE DHE SHËNDETËSIA
Përhapja e të mësuarit e-learning apo mësimi dixhital	Do të bëjmë gjithçka me qeverinë greke për të rritur numrin e shkollave shqipe	Brenda 4 viteve të ardhshme do të ristrukturojmë mbi 80 përqind infrastrukturën e shkollave
Nuk do ketë shkollë të mos jetë e re ose e rindërtuar	Ndryshim radikal në treguesit statistikor të pjesëmarrjes së grave në politikë dhe ekzekutiv	Brenda 4 viteve të ardhshme do të realizojmë decentralizimin e plotë të shkollës me qëllim rritjen e efektivitetit të saj
Çdo i ri që kërkon punë të mund të punësohet	Angazhohemi për një politikë të re që do të rimëkëmbë arsimin, ku librat e shkollës do t’i japim falas për çdo fëmijë të varfër	Do të vendosim një partneritet solid midis sektorit publik dhe atij privat të arsimit
Çdo i ri shqiptar të ketë kompjuterin e tij	Arsimim profesional për të rejat e të rinjtë e fshatit, shërbim shëndetësor për të gjithë dhe një plan tërësor për rindërtimin e marrëdhënieve mes fermerit e shtetit	Diplomat e studentëve që përfundojnë arsimin e lartë, të duhet të jenë në përputhje me kategoritë dhe mundësitë e punës
Në 2013 Shqipëria do të ketë 160 mijë studentë	Do të nisë epoka e re e rilindjes se Arsimit të çliruar nga zinxhirët e interesave politike	Minimalizimi i braktisjes së shkollës duke ndryshuar ligjin ekzistues me synimin për t’i dhënë përparësi masave parandaluese
Hapje ndaj sektorit privat në arsim	Do ta shpallim armik e do ta luftojmë me forcë të paparë analfabetizmin	Ne do t’i kthejmë shkollat në qendra të integruara për shërbime komunitare
Çdo fëmijë që mbaron 9-vjeçaren të mund të vazhdojë gjimnazin	Shkollimi i gjithsekujt sipas talentit dhe aftësisë duke e shndërruar shkollën në një kultivuese të vërtetë dhuntish e mundësish	Do të krijojmë mundësi për kreditimin e studimeve universitare nga bankat, pa interes, për ata studentë që kanë nevojë
Plani ynë është që asnjë fëmijë analfabet të mos jetë në Shqipëri	Do të lindë edhe arsimi i vërtetë profesional në Shqipërinë për ti ofruar biznesit punëtorë të kualifikuar dhe mundësi që ai të eci	Mësimi i gjuhës shqipe nga emigrantët do të jetë pjesë e rëndësishme e reformës sonë arsimore
Bursë plus 100 mijë US.D/vit për çdo të ri që fiton studimet në 1 nga 10 universitetet më të mira të planetit	Politika në raportin sistem publik–sistem privat, e sheh privatin si partner të shtetit drejt synimit të përbashkët	Do të punojmë për të krijuar filiale të universiteteve në qytetet më të rëndësishme
2 mijë vende shtesë në universitetet publike	Shpërblimi real i punës së arsimtarëve, duke mos u ndalur vetëm te paga po edhe te rivendosja e dinjitetit të tyre	Rikonceptim të reformës së Maturës Shtetërore
Dyfishojmë buxhetin për sektorin e arsimit në 8% të PBB	Shkollimi me laboratorë moderne e mjete didaktike funksionale, ku mësues e pedagogë nuk detyrohen më të shpjegojnë me gishta	Do të punojmë që rinia të ketë sa më shumë ambiente sportive
	Unifikimi i vërtetë i programeve tona shkollore me ato të Europës, për ta përmbushur kësisoj ëndrrën që përkund çdo prind shqiptar për bijtë e vet	Do të përmirësojmë në mënyrë të ndjeshme raportin midis shkollës së mesme profesionale dhe shkollës së përgjithshme
	Do ta shndërrojmë Normalen e Elbasanit në një gjimnaz si gjithë të tjerët	Kërkimi shkencor është një prioritet shumë i rëndësishëm
	Rritje e nivelit të frekuentimit të çerdheve dhe kopshteve deri në 40% për grupmoshën 0-3 vjeç	Investimi në kualifikimin profesional të të rinjve dhe fermerëve në fushën e bujqësisë duke nxitur shkollat tekniko-profesionale.
	Unifikojmë modelin e programeve mësimore me Kosovën	Do të mbështesim konkretisht gratë që synojnë të hapin biznese
	Do ti japim vlerë diplomave duke bërë në 4 vjet më shumë se sa është bërë në 18 vjet	Do të aplikojmë një sistem totalisht të ri të kontrollit shëndetësor duke ofruar shërbime falas për gratë
	Abetaren dhe librat e shkollës do t’i japim falas për të gjithë fëmijët e varfër, jo me rimbursim, por drejtë e në dorë	Të gjitha gratë kryefamiljare do të marrin ndihmë ekonomike të plotë dhe do të ketë një politikë të veçantë nga ana e qeverisë
	Do ta çojmë minimumi 5% kontributin e buxhetit për arsimin
POLITIKA SOCIALE
Do të ndërtojmë banesa sociale dhe do të zgjidhim përfundimisht problemin e 450 familjeve	Ne do të lidhim marrëveshje me Greqinë dhe Italinë për njohje reciproke të periudhës së sigurimit për efekt pensioni	Paketa jonë e Bonusit jetik parashikon subvencionimin e plotë të librave për familjet e varfra
Do nxjerrim nga varfëria 4 vitet e ardhshme edhe 300 mijë shqiptarë	Do t’u lidhen pensione fëmijëve të minatorëve për dhënien fund të trajtimit të tyre nga koncesionarët pa kushte pune	Bonusi jetik dhe punësimi jetik do të jenë pjesë themelore e politikës sonë edhe në fshat
Do të shkurtojmë 5 vite pensionin e minatorëve dhe me efekt prapaveprues	Për kategorinë e atyre që nuk punojnë dot dhe nuk e kanë arritur moshën e pensionit, nuk do i japim më  trajtimin e veçantë prej 6.500 lekësh, por pensionin minimal	“Plani ynë për Veprim” është plani që ndihmon gati 1 milion shqiptarë që të kapërcejnë njëherë e mirë pragun e varfërisë
Çdo i ri që krijon familje të ketë mundësi të krijojë strehën e vet	Ne angazhohemi solemnisht përpara jush se ajo kërkesë legjitime e kahershme, që ka të bëjë me statusin e minatorit, do të merret nga ne parasysh dhe do të kthehet në realitet në 100 ditët e para të qeverisjes sonë	Kushtëzim përftimit të ndihmës ekonomike kryesisht me punësimin në sektorin publik dhe sferën komunitare
Mandatin e ardhshëm asnjë shqiptar nën nivelin e 2 dollarëve në ditë	Do të përcaktojmë kufirin e veçantë për pension për moshën e minatorëve për minatorët ne do ta frenojmë moshën e pensionit qysh në janarin e vitit 2010	LSI ka paraqitur në Kuvend projektligjin për kujdesin ndaj moshës së tretë dhe propozojme një pension të 13-të për çdo person të moshës së tretë
Do të barazojmë pensionet e fshatit me pensionet e qytetit	Rritje e rimbursimit të karburantit për P.A.K Rritje e rimbursimit të karburantit për personat me aftësi të kufizuar	Ngritje të institucioneve të kujdesit për moshën e tretë nga pushteti vendor në gjithë vendin
Nuk do ketë pension në fshatra nën 100 dollarë	Individët që u shërbejnë personave me aftësi të kufizuara, vitet që kalojnë pranë tyre do tu llogariten si vite pune për efekt pensioni	Transport urban falas apo me gjysëm çmimi. Shërbim shëndetësor në familje falas, strehim me prioritet për moshën e tretë. Pagesë minimale për pensionistët që jetojnë në shtëpi me të paafte të tjerë.
	Do të rishikohet sistemi i vlerësimit të paaftësisë, duke kaluar nga një vlerësim thjesht mjekësor, në vlerësim mjekësor dhe social	Do të garantojmë strehim, punësim dhe arsim për komunitetin rom dhe atë egjiptian
	Rritje e punësimit dhe shërbimeve sociale për gratë dhe vajzat	Garanton statusin e naftëtarit, dhe pagesën e plotë për ish-punonjësit e ARMO-s
	Zëvendësojmë ndihmën ekonomike si lëmoshë me ndihmën si mundësi reale për punësim	Në mënyrën më të padrejtë është mohuar “Statusi i Ushtarakut”. do të zbatohet vendim Nr.9 i Gjykatës Kushtetuese i vitit 2007
	Një mekanizëm që me të vërtetë fëmijët jetimë pa nënë ose pa baba, të garojnë të barabartë në fushën e jetës me të gjithë fëmijët e tjerë	Projektligji i paraqitur nga LSI për Statusin e minatorit.
	Komision për identifikimin e nevojave dhe të problemeve që ka komuniteti egjyptian
	Duam që të krijojmë për çdo shqiptar e shqiptare, Kartën Sociale…
	Do të përgjysmojmë nivelin e varfësisë në vend brenda mandatit
	Do krijojmë Fondin e Integrimit Social.
	Brenda mandatit të ardhshëm qeverisës, do të  katërfishojmë ndihmën ekonomike për shtresat në nevojë
	Do të shpallim edhe minimumin jetik dhe nuk do të lejojmë që të ketë familje shqiptare nën minimumin jetik, duke filluar nga pagesa e papunësisë, që së paku do ta dyfishojmë
	Deri në vitin 2013 do të eliminohet puna e fëmijëve nën 16-vjeç në sektorin formal
SHËNDETËSIA
Shtrijmë sigurimet shëndetësore në sektorin privat	shërbim shëndetësor për të gjithë dhe një plan tërësor për rindërtimin e marrëdhënieve mes fermerit e shtetit
Luftojmë korrupsionin në sektorin e shëndetësisë	Do të reduktojmë sorollatjet dhe radhët duke përmirësuar planifikimin dhe koordinimin
Krijojmë partneritet publik-privat (PPP) në shëndetësi	Do të financojmë më shumë për shëndetin publik dhe programet e parandalimit
	Do t’u ofrojmë mjekëve dhe infermierëve tanë njohuritë, shpërblimin dhe teknologjitë e nevojshme
	Do të rivendosim dinjitetin e nëpërkëmbur të mjekëve
	Me mjekët e talentuar e të përkushtuar shqiptarë ne do të rindërtojmë shëndetësinë shqiptare
	Programi për shëndetësinë zgjidhje për parandalim, diagnostikim, kurim dhe rehabilitim
	Do të rritim cilësinë dhe sigurinë e barnave duke shtuar kujdesin për indikacionet e barnave në përputhje me standardet europiane
	Do të mundësojmë që të gjitha barnat në Shqipëri të shiten kudo njësoj dhe jo më shtrenjtë sesa në tregun e vendit të origjinës
	Do të vlerësojmë, akreditojmë dhe monitorojmë çdo ofrues të shërbimit shëndetësor publik dhe privat
	Do të ofrojmë shërbime të sigurta ku qytetarët do të kenë mundësinë të zgjedhin midis shërbimit shëndetësor publik apo atij privat
	Do të koordinojmë sistemin e vërtetë publik me atë privat
	Do t’u ofrojmë qytetarëve tanë, vëmendje gjatë gjithë zinxhirit të shërbimeve që ata kanë nevojë përfshirë parandalimin, trajtimin dhe rehabilitimin
	Shërbimi shëndetësor që ne do të ngremë do të shtrihet në të gjithë vendin do të mbështesë në të gjitha hallkat e ecurisë së kujdesit për shëndetin
	Do të ofrojmë mbulim universal me shërbim shëndetësor për të gjithë shqiptarët pavarësisht nga të ardhurat e tyre, gjendja shoqërore, vendbanimi, gjinia apo mosha.