Përmbushja e Programit për EKONOMINE dhe POLITIKEN FISKALE nga qeveria “RAMA 2”

Stafi i POLIFAKT ka publikuar për vëmendjen e publikut:
– Nga data 27 Prill deri 30 Prill gjithë premtimet dhe përfshirjen e tyre në pika programore të qeverisë “Berisha 2” (2009 -2013).
– Nga data 1 Maj deri 4 Maj gjithë premtimet dhe përfshirjen e tyre në pika programore të qeverisë “Rama 1” (2013 -2017)

Tashmë 6 vite më vonë pas 2017, premtimet e partive politike kryesore në zgjedhjet e përgjithshme janë rritur dhe përforcuar me elementë të rinj, por ajo që ka mbetur e njëjtë është mungesa e përgjegjshmërisë financiare në formulimin dhe prezantimin e premtimeve para votuesit shqiptar. Gjithë kjo përpjekje vjen me qëllimin e rikthimit të vëmendjes te zotimet për të besuar në përmbushjen e tyre. Kushdo që lexoi dhe ata që kanë monitoruar direkt vetë apo e kanë kujtesën e fortë tashmë duhet të mbajë mend edhe sa ishte niveli i përmbushjes së premtimeve zgjedhore pas krijimit të qeverisë “Rama 2” (vetëm PS) dhe miratimit të Programit qeverisës 2017 -2021.

Në analizën e premtimeve të partive kryesore, kur shikojmë besueshmërinë e premtimeve zgjedhore të vitit 2017, rezulton sipas matjes së bërë se:

Nga 6 premtime ekonomike të PS, 1 premtim vlerësohet si i besueshëm, ndërsa 5 premtime janë pak të besueshme. Në krahasim me sasinë e premtimeve në vitin 2013 vërehet se ka 3 premtime më shumë.
Nga 11 premtime të politikës fiskale dhe buxhetore të PS, 7 premtime vlerësohen si të besueshme, ndërsa 1 premtim konsiderohet si i pamatshëm. Ndërkohë që 3 premtime janë pak të besueshme. Në krahasim me sasinë e premtimeve në vitin 2013 vërehet se ka 9 premtime më pak.

Nga 1 premtim ekonomik i PD, konsiderohet si pak i besueshëm. Në krahasim me sasinë e premtimeve në vitin 2013 vërehet se ka 7 premtime më pak.
Nga 10 premtime të politikës fiskale dhe buxhetore të PD të 10 premtimet janë vlerësuar si pak të besueshme. Në krahasim me sasinë e premtimeve në vitin 2013 vërehet se ka 10 premtime më pak.

Nga 7 premtime ekonomike të LSI, vetëm 1 premtim vlerësohet si i besueshëm, ndërsa 2 premtime konsiderohen si të pamatshme. Ndërkohë, që 4 premtime janë pak të besueshme. Në krahasim me sasinë e premtimeve në vitin 2013 vërehet se ka 16 premtime më pak.
Nga 13 premtime të politikës fiskale dhe buxhetore të LSI,  3 premtime vlerësohen si të besueshme, ndërsa 10 premtime janë pak të besueshme. Në krahasim me sasinë e premtimeve në vitin 2013 vërehet se ka 4 premtime më shumë.

Më poshtë prezantohen premtimet ekonomike dhe fiskale në fushatën e vitit 2017 të partisë socialiste, si dhe përfshirjen e tyre pas fitores dhe mandatimit të qeverisë, bashkë me nivelin e përmbushjes që nga qeveria “Rama 1”, si dhe mbartjet e tyre (nëse), si dhe niveli i përmbushjes së pikave të programit të ri të mandatit të dytë qeverisës. 

2017 -2021 – QEVERIA RAMA 2 (PS)
EKONOMIA
PREMTIMET E PS 2017	PËRFSHIRJA E PREMTIMEVE NGA QEVERIA “RAMA 2”	NIVELI I PËRMBUSHJES SË PROGRAMIT “RAMA 1”	NIVELI I PËRMBUSHJES SË PROGRAMIT “RAMA 2”
PPP instrument financiar për projektet me rëndësi në ekonomi	PPP instrument financiar për projektet me rëndësi në ekonomi	PIKË E RE NË PROGRAM	PËRMBUSHUR
Paga minimale 30 mijë lekë brenda mandatit	Paga minimale 30 mijë lekë brenda mandatit	PIKË E RE NË PROGRAM	PËRMBUSHUR
220 mijë vende të reja pune	220 mijë vende të reja pune	Krijim i 300 mijë vendeve të reja të punës. NUK U PËRMBUSH	I PA PËRMBUSHUR
Norma e papunësisë do të ulet nën nivelin dyshifror (8.2%)	Norma e papunësisë do të ulet nën nivelin dyshifror (8.2%)	PIKË E RE NË PROGRAM	I PA PËRMBUSHUR
Dyfishim i investimeve të huaja direkte me 2 miliard Euro	Dyfishim i investimeve të huaja direkte me 2 miliard Euro	PIKË E RE NË PROGRAM	I PA PËRMBUSHUR
Ekonomia do të rritet deri në 5.5 përqind	Ekonomia do të rritet deri në 5.5 përqind	PIKË E RE NË PROGRAM	I PA PËRMBUSHUR
POLITIKAT FISKALE
TVSH zero nga viti i parë i qeverisjes për plehrat kimike, farat, pesticidet dhe fidanët/ndihmesë prej 10 milion US.D/vit	TVSH zero nga viti i parë i qeverisjes për plehrat kimike, farat, pesticidet dhe fidanët/ndihmesë prej 10 milion US.D/vit	Heqja e TVSH për plehrat kimike, farat e fidanet. NUK U PËRMBUSH	PËRMBUSHUR
Rritje e vazhdueshme e financimit publik për arsimin e lartë	Rritje e vazhdueshme e financimit publik për arsimin e lartë	PIKË E RE NË PROGRAM	PËRMBUSHUR
Financimi publik për kujdesin shëndetësor synohet të arrijë 60-65% e shpenzimeve totale/shëndetësi	Financimi publik për kujdesin shëndetësor synohet të arrijë 60-65% e shpenzimeve totale/shëndetësi	PIKË E RE NË PROGRAM	PËRMBUSHUR PJESERISHT
5% tatim fitimi për prodhimin në Teknologjinë e Informacionit	5% tatim fitimi për prodhimin në Teknologjinë e Informacionit	PIKË E RE NË PROGRAM	PËRMBUSHUR
Fondi i pagave në sektorin publik rritet me 68 miliard lekë	Fondi i pagave në sektorin publik rritet me 68 miliard lekë	PIKË E RE NË PROGRAM	I PA PËRMBUSHUR
Financim i investimeve publike në rreth 5% e PBB-së	Financim i investimeve publike në rreth 5% e PBB-së	PIKË E RE NË PROGRAM	PËRMBUSHUR PJESERISHT
Lehtësim i barrës fiskale në 18% për të ardhurat nga pagat e larta	Lehtësim i barrës fiskale në 18% për të ardhurat nga pagat e larta	PIKË E RE NË PROGRAM	I PA PËRMBUSHUR
Defiçit buxhetor nën nivelin prej 2 përqind	Defiçit buxhetor nën nivelin prej 2 përqind	PIKË E RE NË PROGRAM	I PA PËRMBUSHUR
Ulim borxhin publik nën 60 përqind të PBB-së	Ulim borxhin publik nën 60 përqind të PBB-së	PIKË E RE NË PROGRAM	I PA PËRMBUSHUR
Norma maksimale e tatimit mbi te ardhurat personale do të zbresë nga 23% që është sot në 18%	Norma maksimale e tatimit mbi te ardhurat personale do të zbresë nga 23% që është sot në 18%	PIKË E RE NË PROGRAM	I PA PËRMBUSHUR
Ulim tatimin mbi dividentin nga 15% në 6%	Ulim tatimin mbi dividentin nga 15% në 6%	PIKË E RE NË PROGRAM	PËRMBUSHUR

Në analizën e përmbushjes së programit të qeverisë “Rama 2” vërehet se:

• Për Ekonominë nga 6 premtime në fushatën zgjedhore janë përfshire të gjitha në programin qeverisës. Nga këto pika të përzgjedhura janë përmbushur 2 pika programore (33% e programit ekonomik). Ndërkohë nuk janë përmbushur 4 pika programore (67% e programit ekonomik).
  Nëse shikojmë mbartjen e programit ekonomik të qeverisë “Rama 1”, vërejmë se 6 pikat e papërmbushura të këtij programi ekonomik nuk janë mbartur në programin e qeverisë “Rama 2”.
• Për Politikat Fiskale nga 11 premtime në fushatën zgjedhore janë përfshire të gjitha në programin qeverisës. Janë përmbushur 3 pika programore (27% e programit fiskal). Janë përmbushur pjesërisht 2 pika programi qeverisës (18% e programit fiskal). Nuk janë përmbushur apo nuk kanë asnjë shenjë të provuar të tyre 5 pika të programit (55% e programit fiskal).
  Nëse shikojmë mbartjen e programit fiskal të qeverisë “Rama 1”, vërejmë se nga 10 pikat e papërmbushura të këtij programi fiskal është mbartur në programin e qeverisë “Rama 2” vetëm 1 pike dhe 9 pikat e tjera nuk janë mbartur.

Po të klikoni te secila nga pikat e programit në kolonën e katërt do të shikoni edhe nivelin e përmbushjes së tyre të provuar me faktet nga vetë aktiviteti i qeverisë për Programin Qeverisës në 2017 -2021.
Në ditët në vijim ne do të paraqesim përmbushjen e premtimeve nga program qeverisës 2009 – 2017  si dhe koston buxhetore të premtimeve për:
– Bujqësinë, Mjedisin dhe Turizmin
– Arsimin, Politikat Sociale, Shëndetësinë dhe Politikat e përgjithshme
– Infrastrukturën dhe Energjinë, si dhe Premtimet politike për shumë aspekte