Halli i qytetarëve nuk mund të barazohet me hallin e liderëve politikë

Për shqiptarët, sfidat ekonomike dhe sociale kanë qenë të vazhdueshme, duke prekur aspekte të jetësë së përditshme si rritja e kostos së jetesës, papunësia dhe pabarazitë sociale. Nga ana tjetër, kryeministrat e deritanishëm shpesh kanë pasur prioritete të ndryshme, duke u fokusuar kryesisht në projekte madhore, infrastrukturore dhe politike që mund të kenë krijuar ndikim në imazhin e vendit, por jo domosdoshmërisht në përmirësimin e drejtpërdrejtë të jetesë së qytetarëve.

Sfida të shqiptarëve kanë qene më së shumti:
Inflacioni dhe kostot e jetesës, që shprehen me rritjen e çmimeve të produkteve bazë ka prekur familjet me të ardhura të ulëta dhe mesatare. Sipas të dhënave, pagat dhe pensionet shpesh nuk arrijnë të përballojnë rritjen e shpenzimeve mujore.
Papunësia dhe mundësitë e pabarabart, që përfshijnë të rinjtë, veçanërisht ata në zonat rurale, kanë mundësi të kufizuara për punësim dhe zhvillim profesional. Një pjesë e madhe e popullsisë po largohet nga vendi, duke kontribuar në fenomenin e “ikjes së trurit”.
Pabarazitë sociale, ku përveç hendekut ekonomik mes shtresave të ndryshme, qytetarët shpesh ndihen të pafuqishëm për të përballuar mungesën e aksesit në shërëbime bazë si shëndetësia dhe arsimimi cilësor.

Prioritetet e Kryeministrave të deritanishëm, në fakt kanë qenë:
Projektet madhore dhe infrastrukturore, ku në vend të përqendrimit në nevojat e përditshme të qytetarëve, shumë qeverisje kanë preferuar të promovojnë projekte të mëdha si rrugë kombëtare, aeroporte ose zhvillime urbane që shpesh janë kritikuar si të papërshtatshme për realitetin ekonomik të vendit.
Mbështetja e oligarkisë, të cilat shumë shqiptarë e shohin te qeverisje, si të lidhura ngushtë me interesa të oligarkisë dhe grupeve të fuqishme ekonomike. Kjo ka krijuar perceptimin se qeveritë janë të shkëputura nga hallet e përditshme të qytetarëve.
Reformat dhe retorikat, ku shpeshherë, reformat janë promovuar si sukses politik, por ndikimi i tyre në jetën reale të qytetarëve ka qenë i kufizuar. Retorika politike ka mbizotëruar mbi zgjidhjet konkrete.

Arrestimet e figurave të larta dhe pasojat
Arrestimet e disa ministrave, ish-ministrave, ish-zëvendëskryeministrave, ish-kryeministrave dhe ish-kryetarëve të bashkive, përfshirë Erion Veliajn kanë hapur debate të thella mbi funksionimin e shtetit dhe besimin në drejtësi. Edhe pse disa e shohin këtë si një shenjë të luftës kundër korrupsionit, të tjerë kanë dyshime se këto veprime kanë motive politike ose janë pjesë e lojërave të fuqisë.
Mungesa e fokusit në problemet e qytetarëve janë pikësirsht ajo që shikojmë në qetësi se arrestimet e figurave të larta shpesh po mbulojnë debatin mbi dështimin e qeverisë për të adresuar sfidat kryesore të shoqërës, si inflacioni dhe varfërimi i popullsisë.
Perceptimi i drejtësisë, e cila mbetet një akt pozitiv. Por, kur arrestimet nuk shoqërohen me përmiresime të dukshme në jetën e përditshme të qytetarëve, padyshim mund të thellojnë ndjenjën e pasigurisë dhe mungesën e besimit në institucionet.

Ajo që perceptohet si e nevojshme në këtë rast është se prioritetet e një shteti nuk duhet të jenë hallet e politikanëve, por zgjidhja e halleve të qytetarëve.

Qeveria e zgjedhur për të adresuar sfidat bazë të qytetarëve si inflacioni, papunësia dhe pabarazitë sociale, përmes reformave të qarta dhe mbështetjes së drejtpërdrejtë për shtresat e ndjeshm duhet të matet me standartin e mirëqeines së arritur për qytetërat e saj. Proceset ligjore duhet të jenë të pavarura nga ndikimi politik dhe të shoqërëohen me rezultate të prekshme për qytetarët.
Përmes investimeve të vogla dhe të mesme, qeveria duhet të vijojë të promovojë krijimin e vendeve të punës dhe nxitjen e zhvillimit ekonomik në të gjitha zonat e vendit. Kryeministrat dhe liderët e ardhshëm duhet të ndjekin një qasje të hapur dhe transparente, duke bashkëpunuar me qytetarët për të kuptuar dhe zgjidhur problemet reale.

Halli i qytetarëve nuk mund të barazohet me hallin e liderëve politikë. Megjithatë, qeverisja efektive që synon të përmirësojë jetën e tyre duhet të jetë prioriteti kryesor i çdo lidershipi.
Vetëm përmes fokusit te qytetarët dhe zgjidhjes së problemeve të tyre mund të krijohet një shtet që përfaqëson të gjithë kombin dhe jo vetëm interesat e pakicës.